Primeira batalla do Aisne

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo.

A primeira batalla do Aisne foi unha batalla da primeira guerra mundial encadrada no contexto da Carreira cara ao mar. Produciuse en Francia, na ribeira do río Aisne entre o 13 e o 28 de setembro de 1914. As tropas francesas decidiron atacar neste punto ao I e II Exército Alemán, que se retiraban tras a derrota na Primeira Batalla do Marne.

Ao longo do río, os alemáns estableceron varios puntos defensivos, con postos de artillaría e metralladoras. As tropas expedicionarias británicas cruzaron o río empregando pontóns e pontes medio destruídas. Os exércitos franceses atacaron en varios puntos pero non conseguiron resultados significativos. A partir de entón sucedéronse varias ofensivas co mesmo resultado, iniciando unha guerra de trincheiras que caracterizaría a primeira guerra mundial.

Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.